Алматыда мопед жүргізушісі көшедегі әйелге қол көтерген

Аталған жағдай әлеуметтік желіде жарияланып, көпшіліктің қызу талқысына түсті, деп хабарлайды Алматыдағы BAQ.KZ тілшісі.

Жәбірленуші көшеде танымайтын адамды ұрып-соғу қаншалықты дұрыс екенін сұрады.

 Біздің елде кез келген уақытта, тіпті көшенің бойында қызды ұрып кете беруге бола ма? Мопед жүргізушісі жаяу жүргіншілер жолымен жүріп, жолға жақындады. Ол жерге такси келе жатты. Мен оның жиһазбен тротуармен жоғары-төмен жүруге болмайтынын, адамды қағып кетуі мүмкін екенін ескерткен едім, ол маған қол көтеріп, бетімді көгертіп кетті, - дейді жәбірленуші.

Аталған жағдайға байланысты Алматы қаласы полиция департаментінің баспасөз қызметі түсінік берді.

Бұл дерек бойынша жәбірленуші полицияға бүгін арызданған. Аталған дерекке қатысты қылмыстық іс қозғалды. 
Мопед жүргізушісінің жеке басын анықтап, жауапкершілікке тарту бойынша кешенді шаралар жүргізілуде. Алған жарақатының ауырлығын анықтау мақсатында сот-медициналық сараптама тағайындалды, - дейді Алматы қалалық полиция департаментінің баспасөз қызметі.