Алматыда мешітте ұрлық жасаумен айналысқан адам ұсталды

Астана, BAQ.KZ. Алматыда мешітте ұрлық жасаумен айналысқан қалта ұрысы ұсталды. Бұл туралы қалалық ПД баспасөз қызметі мілімдеді деп жазады Zakon.kz.

Алматыдағы мешіттердің бірінде ұялы телефон қолды болған. Ұялы телефон жас жігіттің күртешесінің қалтасынан ұрланған.

"Ер адам ұялы телефонының жоғалғанын құлшылық жасап болған бойда байқаған. Ол полицияға хабарласып, затының жоғалғанын айтады. Дереу жедел іздестіру шаралары жүргізіліп, күдіктнің кім екені анықталды. Жедел із кесу бөлімінің қызметкерлері қолының сұғанағы бар адамды санаулы минуттардың ішінде ұстап алған. Жеке басын тексеру кезінде 30 жастағы күдіктіден қолды болған телефон тәркіленді. Ер адам жасаған ісін толық мойындады. Айта кеткен жөн, фигурант бұған дейінде осындай қылмысы үшін бірнеше рет қылмыстық жауапкершілікке тартылған. Қазіргі таңда Бостандық ауданының Полиция басқармасымен ҚР ҚК 188-бабына сәйкес сот алды тергеу басталды",- деп атап өтті Алматы қалалық ПД Криминалды полиция басқармасының бастығы полиция подполковнигі Есен Ысқақов.

Қалалық полиция қызметкерлері тұрғындарға өз заттарына мұқият және оларды сақтау үшін қажетті шараларды қолдануды сұрап отыр. Тәжірибе көрсеткендей, қалта ұрлығы адамдар көп шоғырланатын жерлерде орын алады.