Алматыда дизельмен жүретін автобус сатып алуға тыйым салынуы мүмкін

Алматы қаласының әкімі Ерболат Досаев қалада дизельмен жүретін автобус сатып алуға тыйым салынуы мүмкін екенін айтты, деп хабарлайды BAQ.KZ тілшісі.

Оның айтуынша, биыл қаланың автобус паркі 1 150 экологиялық таза автобусқа жаңартылды.

2024 жылдан бастап жеке тасымалдаушылардың дизельмен жүретін автобустарды сатып алуына тыйым салу жоспарлануда, – деді Досаев ОКҚ-да өткен баспасөз мәслихатында. 

Алматыда 11 жылда алғаш рет 100 троллейбус сатып алынды.

2024 жылы тағы 100 данасын сатып алу жоспарланған. Бұл троллейбус паркін 100% жаңартуға мүмкіндік береді. Алматыда метро белсенді дамып келеді. Биыл қосымша 3 жылжымалы құрам іске қосылды. Қозғалыс интервалы 5 минут 38 секундқа дейін азайды. Нәтижесінде метродағы жолаушылар легі 100 мың адамға дейін көбейді. Жалпы 2023 жыл қорытындысы бойынша қоғамдық көліктегі жолаушылар легі тәулігіне 1,5 млн адамға дейін көбейді, – дейді қала әкімі.