Алматыда бейнебақылау арқылы 3 мыңға жуық қылмыс анықталған

Бұл туралы қалалық полиция департаментінің баспасөз қызметі мәлімдеді, деп хабарлайды Алматыдағы BAQ.KZ тілшісі.

Департаменттің мәліметінше, Алматы қаласында 138 мың 875 бейнебақылау камерасы орнатылған.

Жыл басынан бері қалада бейнебақылау жүйесінің көмегімен 2 мың 718 қылмыс ашылып, 1 миллион 597 мың теңгеге айыппұл салынып, 191 әкімшілік құқықбұзушылық анықталған. Қалада барлығы 138 мың 875 бейнебақылау камерасы бар. Оның 5 мың 752-сі «Қауіпсіз аула» бағдарламасы бойынша көпқабатты үйлерге орнатылды. Қала жолдарында 9 мың 657-сі бар, ал білім беру нысандарында 19 мың, денсаулық сақтау нысандарында 3 мың, спорт нысандарында 1 мың 932, қоғамдық орындарда 1 мың 746, әртүрлі меншік нысанындағы объектілерде 91 мың 744, метрополитенде және қоғамдық көліктерде 1 мың 337 бейнекамера орнатылған, – дейді Алматы қалалық полиция департаментінің баспасөз қызметі.