Алматыда барахолка маңында екі жүргізуші төбелесіп, артынша пышақтасқан

Алматыдағы барахолка аумағында екі жүргізуші жанжалдасып, соңы төбелеске ұласты, деп хабарлайды BAQ.KZ.

Куәгерлердің айтуынша, жанжал кезінде ер адамдардың бірі сөмкесінен пышақ шығарып, қарсыласына тап берген.

Оқиға орнына жиналғандар төбелесті тоқтатып, қайғылы жағдайдың алдын алуға тырысқан.

Полицияның мәліметінше, қазіргі уақытта оқиғаның барлық мән-жайы анықталып жатыр.