Алматыда автобуспен жүк көлігі соқтығысты

Оқиға Алатау ауданындағы Шаңырақ-2 ықшам ауданында болған, деп хабарлайды Алматыдағы BAQ.KZ тілшісі

Жүк көлігінің жүргізушісі Үшқоңыр көшесінің бойымен батыс бағытта артқа қарай жүріп бара жатып, Жанқожа батыр көшесімен солтүстікке қарай келе жатқан 45-бағыттағы қоғамдық көлікпен соқтығысқан.

Аталған жағдайға қатысты Алматы қаласы Полиция департаментінің баспасөз қызметі пікір білдірді.

Бұл жол-көлік оқиғасы салдарынан ешкім зардап шеккен жоқ. Алатау аудандық полиция басқармасының қызметкерлері жол-көлік оқиғасының мән-жайын анықтауға кірісті, - деді Алматы қаласы полиция департаментінің ресми өкілі Салтанат Әзірбек.