Алматыда АПВ-ға қарсы екпе алған қыздардың саны артты

Қалада адам папилломасы вирусына қарсы вакцинация жалғасып жатыр, 7571 қыз вакцинаның бірінші дозасын алған, деп хабарлайды Алматыдағы BAQ.KZ тілшісі.

Вакцинация статистикасы
Алғашқы доза бойынша:
• 11 жастағы қыздар – 3103;
• 12-13 жастағы қыздар – 4468.

Екінші дозамен барлығы 113 қыз вакцинацияланған, олардың ішінде:
• 11 жастағы қыздар – 59;
• 12-13 жастағы қыздар – 54.

Санитариялық-эпидемиологиялық бақылау департаменті басшысының орынбасары Әсел Қалықова вакцинациядан кейінгі қолайсыз жағдайлардың тіркелмегенін атап өтті.

 Вакцинада тірі вирустар жоқ, инфекцияны тудырмайды және репродуктивті функцияға әсер етпейді! ДДСҰ 9 жастан 14 жасқа дейінгі қыздарды, жыныстық қатынас басталғанға дейін вакцинациялауды ұсынады. Қазіргі уақытта қыз балаларды егу арқылы АПВ онкогендік түрлерінен қорғауға болады. Мектеп немесе емхананың егу кабинетінде жүргізіледі. Ата-аналарға 11 жастан 13 жасқа дейінгі қыздарды АПВ-ға қарсы вакцинациялау ұсынылады. Елімізде жыл сайын 1900 - ге жуық әйелде жатыр мойны обыры анықталады, оның ішінде 600 әйелде қолайсыз нәтиже көрсетіледі, статистикаға сәйкес, күн сайын 2 әйел жатыр мойны обырынан қайтыс болады,- деді ол.