Алматыда 34 мыңнан аса мұғалім вакцина салдырды

Нұр-Сұлтан, BAQ.KZ тілшісі. Алматы қаласы өңірлік коммуникациялар қызметі алаңында қаланың Білім басқармасы басшысы Ләззат Жылқыбаева қанша педагог вакцина алғаны туралы айтты.

Оның сөзінше, дайындық жұмыстары аясында білім беру ұйымдарының қызметкерлерін вакцинациялау мәселесіне ерекше назар аударылды.

Вакцина салдыруға қарсы көрсетілімі бар қызметкерлерден басқа, мемлекеттік білім беру ұйымдарының 34 мыңнан астам қызметкері 100% вакцинацияланды. Жекеменшік білім беру ұйымдарының 11 мыңнан астам қызметкері (вакцина салдыруға қарсы көрсетілімі бар басқарлардан) 100% вакцина алды, - деп айтты Ләззат Жылқыбаева.

Еске сала кетейік, 2021-2022 жаңа оқу жылында Алматының 287 мектепінде 300 мыңға жуық оқушы білім алады. Олардың ішінде 1-сыныптарда 30 мыңнан астам оқушы оқиды. 82 колледжде 68 мыңнан астам студент оқуға кіріседі.