Алматыда 2 миллион адамға 636 мың көлік тіркелген

Алматыда мопедтер мен электросамокаттардың қатысуымен 617 ЖКО тіркелді, деп хабарлайды Алматыдағы BAQ.KZ тілшісі.

Бұл туралы Алматы қалалық ПД-нің бастығы, полиция генерал-майоры Арыстанғани Заппаров халыққа есеп беру кездесуінде мәлімдеді.

Қалада 500 мыңға жуық шеткі аймақтардан келіп, кетеді. Осылайша, күніне қалада 1 миллионнан астам көлік жүреді. Егер республикада 5 миллионға жуық көлік тіркелген болса, олардың әрбір бесіншісі немесе 20 пайызы Алматыда жүреді.

Алматыда 2 миллион адамға 636 мың көлік тіркелген. Оңтүстік астанада қала тұрғындары мен қонақтарының жайлы әрі қауіпсіз өмір сүруінің маңызды факторы – жол қауіпсіздігі. Өткен жылдың қорытындысы бойынша жол-көлік оқиғаларының жалпы санының, соның ішінде жарақат алғандармен болатын ЖКО азайғаны байқалады. Алматыда мопедтер мен электросамокаттардың қатысуымен 617 ЖКО тіркелді. Талдау көрсеткендей, зардап шеккендермен болатын жол-көлік оқиғаларының жалпы санының 16,1%-ы мопедтер мен самокаттардың жүргізушілерінің арасында орын алады. Жол-көлік оқиғаларының көпшілігі қиылыстарда болады, мопедистер «өлі аймақта» болғанда көлік жүргізушілері оларды көрмейді. Сонымен қатар, көптеген мопед жүргізушілері Жол қозғалысы ережелерінің негіздерін білмейді, - деді, Арыстанғани Заппаров.