Алматыда 1 қаңтардан бастап "Сергек" іске қосылады

Алматы, BAQ.KZ.  2020 жылдың 1 қаңтарынан бастап Алматыда "Сергек" бейнебақылау камералары жұмыс істейді.  Бұл туралы Алматы қаласы ПД-нің баспасөз қызметі хабарлады.

Алматы көшелерінде бірден 400 камера іске қосылмақ.

Бұл бағдарламалық кешен жол жүру ережесін бұзғандарды анықтайды. Әсіресе жылдамдықты асыру, бағдаршамның қызыл түсіне өту, жол белгілері талаптарын орындамау, аялдама ережелері немесе тоқтау ережесін бұзу, сонымен қатар қоғамдық көлік жолағына шығып кету сияқты ереже бұзылған жағдайды тіркейді, - делінген хабарламада.

Жол көлік ережелерін бақылау 2020 жылдың 1 қаңтарынан бастап іске қосылады. Сондықтан қала полициясы көлік жүргізушілерді жол ережесін қатаң сақтауға шақырады.