«Алматы жастары» бағдарламасының қорытындысы шықты

Бағдарламаға қатысуға 7072 өтінім берілді, 1200 өтінім беруші «Отбасы банк» АҚ-нан төлем қабілеттілігінен өту үшін жолдама алды, деп хабарлайды BAQ.KZ.

Бұл туралы Алматы қаласы әкімдігінің баспсөз қызметі мәлімдеді.

Алматы қаласы коммуналдық инфрақұрылымды дамыту басқармасы 2024 жылғы 29 шілдеден 7 тамызға дейін болған «Алматы жастары» бағдарламасы аясында өтінімдерді қабылдауды аяқтады. Осы жылы www.almaty-zhastary2024.kz платформасында 7072 өтінім берілді, бұл жастардың бағдарламаға деген қызығушылығының жоғары екендігін көрсетеді. Бағдарлама аясында тұрғын үй сатып алуға кемінде 1200 заем беру жоспарланған, - деді баспсөз қызметі.

724 қатысушы негізгі тізім бойынша төлем қабілеттілігін растау аяқталғанша резервтік тізімде болады.

1200 өтінім беруші «Отбасы банк» АҚ-нан төлем қабілеттілігінен өту үшін жолдама алады. Жолдаманы алған қатысушылар 15 (он бес) жұмыс күні ішінде төлем қабілеттігін бағалаудан өту үшін «Отбасы банк» АҚ-ның кез келген қызмет көрсету орталығына жүгіну қажет. Төлем қабілеттілігін растаған қатысушылар 45 (қырық бес) күнтізбелік күні ішіндеалғашқы және екінші нарықта тұрғын үй таңдай алады. 724 қатысушы негізгі тізім бойынша төлем қабілеттілігін растау аяқталғанша резервтік тізімде болады. 5148 қатысушының құжаты қайтарылды. Қайтарылудың негізгі себептері жұмыс орнының бағдарлама талаптарына сәйкес келмеуі, тұрғын үйге қажетті анықтамалардың болмауы, өтініш берген сәтте тұрғын үйдің болуы, соңғы 6 айдағы зейнетақы жинақтарының болмауы және т.б. «Алматы жастары» бағдарламасының қорытындысы туралы басқа да толық ақпараттар www.almaty-zhastary2024.kzсайтындақолжетімді болады, - деді Алматы қаласы әкімдігінің баспсөз қызметі.