Алматы Жаңа жыл қарсаңында қалай өзгерді

Алматыда жаңа жылдың атмосферасын сезінуге арналған орындардың саны артып келеді. Осы ретте, Алматыдағы BAQ.KZ тілшісі қаладағы көрікті орындарды назарларыңызға ұсынады.

Қаланың бас шыршасы жағылған Абай алаңында күн сайын сағат 16:00-ден 21:00-ге дейін мерекелік концерт ұйымдасырылады. Іс-шарада Nazima, Мирас Жугунусов, MDee, Abdr, Ayau, Dequine Yenlik, DJSlimKZ, Grow kids театры, Galam live-топтары және Ava band өнер көрсетеді.

Алаңда қала тұрғындары мен қонақтарына арналған фото-дүңгіршектер, суретке түсуге арналған аймақтар және жаңажылдық жәрмеңке ұйымдастырылған.

Қаламызда ұйымдастырылатын жаңажылдық шараларды асыға күтеміз. Себебі балалар да керемет көңіл-күйге бөленіп, ғажайыпқа сенеді. Қаланың әр ауданында концерттік бағдарлама өтеді екен. Бұл қуанышты жаңалық. Ауа райы да жылынып келеді. Бірақ кешке өте суық, әншілерді де аяп кетеміз, – дейді Жадыра есімді қала тұрғыны.

Айта кеткен жөн, балалардың сүйікті шарасы - Аяз аталар шеруі 25 желтоқсан күні өтеді.

Ал Астана алаңында күн сайын сағат 19:00-ден 21:00-ге дейін танымал әртістер Еркеш Хасен, Әли Окапов, Ayree, D-band, Mercury band, Ademi, Elizat, Canto IL квартеті және «КешYou» тобы өнер көрсетеді.

Айта кетерлігі, 27-31 желтоқсан аралығында қала аудандарының әрқайсысында Жаңажылдық фестиваль аясында концерттер ұйымдастырылмақ.