Алматы ТЖД басшысы тұрғындарға үндеу жасады

Алматы ТЖД басшысы тұрғындарға үндеу жасады, деп хабарлайды BAQ.KZ.

Төтенше жағдайлар департаменті жаңа басшысы полковник Нұрлан Атығаев Алматыдағы зілзалаға байланысты тұрғындарға ақпарат берді. Сондай-ақ алматылықтарға қауіпсіздік шараларын сақтап, сабырлылық танытуға шақырды.

Төтенше жағдайлар министрлігіне қарасты «СТӘК» ЖШС-ның сейсмикалық стансалар желісі Алматы уақытымен 23 қаңтар күні 00 сағат 09 минутта жер сілкінісін тіркеді. Жер сілкінісінің эпицентрі Алматы қаласынан оңтүстік-шығысқа қарай 264 км жерде орналасқан Қазақстан мен Қырғызстан шекарасы, - деді Нұрлан Атығаев.

Энергетикалық санаты – 15.1. MPV тербелісі – 6.7. Тереңдігі – 65 км.

Жер сілкінісі Алматыда 4 балл деңгейінде (MSK-64 шкаласы бойынша) сезілген.

Мегаполистің бас құтқарушысының мәліметінше, жарақат алғандар мен зардап шеккендер туралы ақпарат түскен жоқ.