Алматы тауларында болған оқиғадан кейін құтқарушылар туристерге үндеу жасады

Қазақстан ТЖМ таулы жерлерде қауіпсіздік ережелерін қатаң сақтаудың маңыздылығын ескертті, деп хабарлайды BAQ.KZ. 

Құтқарушылар туристерге төмендегі ережелерді қатаң ұстануға шақырады:

• маршрутты зерттеңіз: ұзақтығы, биіктік айырмашылықтары, күрделі жерлері, демалатын орындар;
• 112 қызметіне, туыстарыңызға немесе достарыңызға қайда, қашан баратыныңызды және қай уақытта оралатыныңызды ескертіңіз;
• ауа райы болжамын тексеріңіз – тауда ол күрт өзгеруі мүмкін: боран, қар жауу қаупі бар;
• жергілікті жермен танысыңыз: карта, компас, GPS немесе навигатор алыңыз;
• дене дайындығыңызды пысықтаңыз – әсіресе маршрут күрделі болса, биікке көтерілу қажет болса;
• егер қар көшкіні қаупі туралы ескерту жарияланса – тауға шығудан бас тарту ұсынылады Жаңадан жауған қалың қар байқалса – сапарды 2–3 күнге шегеріп, қардың отыруын күткен дұрыс!