Алматы – Баян-Өлгий бағытында автобус аударылып қалды
Нұр-Сұлтан, BAQ.KZ. Шығыс Қазақстанда бүгін таңғы сағат 06:20-да Алматы-Өскемен жолының 812 шақырымында жол-көлік апаты болды, деп хабарлады ҚР ИИДМ баспасөз қызметі.
"Оқиға Аягөз ауданының Айғыржал ауылы маңында орын алған. Бұл жолда жөндеу жұмыстарын «К-Дорстрой» АҚ жүргізген. Алдын ала мәлімет бойынша автобус жүргізішісі ұйықтап кетіп, автобус жолдан шығып, аударылып қалған. Қалааралық көлікте 25 жолаушы болған. Жол көлік апаты салдарынан 2 адам зардап шекті.
Көлік құралы осы жылы техникалық тексеруден өткен. Осы аумақта тиісті жол белгілері орнатылған. «К-Дорстрой» АҚ өкілдері мен аудандық полиция бөлімі қызметкерлері оқиға орнына келіп, көлік апатының себептерін анықтауда", - делінген таратылған ақпаратта.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Ақмола облысында 6 жел электр станциясы салынады
Өзгелердің жаңалығы