Алматы құтқарушылары таудан түсе алмай қалған жастарды құтқарды

Алматы облысы Талғар ауданында Республикалық жедел-құтқару жасағының қызметкерлері екі жергілікті тұрғынды құтқарып, таудан түсірді, деп хабарлайды BAQ.KZ.

Тауға көтеріліп түсе алмаған жастар 19-20 жас аралығында болды.

Бүгін таңертең олар демалу үшін тауға көтеріліп, өздігінен түсе алмады және «112» нөміріне жүгінді, - деп жазды ТЖМ баспасөз қызметінен.

Туристерге медициналық көмек қажет болмаған.