Алматы-Өскемен тасжолында жантүршігерлік жол апаты болды

Алматы облысы Қонаев терминалы ауданындағы тасжолда бір адамның өмірін қиған жол апаты болды, деп хабарлайды BAQ.KZ.

Chevrolet Cobalt жүргізушісі Алматы-Өскемен автожолының 25-шақырымында рөлді басқара алмай, бетон қоршауға соғылып, содан кейін инерция бойынша алдында тұрған Hyundai Sonata автокөлігімен соқтығысқан.

Алматы облысы полиция департаментінің мәліметінше, жол-көлік оқиғасы салдарынан Chevrolet cobalt жүргізушісі оқиға орнында қайтыс болған. Жол апаты дерегі бойынша полиция қылмыстық іс қозғады.

Тергеу жалғасып жатыр.