Алматы облысында сиреналар іске қосылады

21 қараша күні сағат 11:00-де «Қыс-2024» республикалық командалық-штабтық оқу-жаттығулары аясында “Дабыл жүйесін тексеру” жүргізіледі, деп хабарлайды Алматыдағы BAQ.KZ тілшісі.

Тексеру барысында «Баршаңыздың назарыңызға!» деген дабылмен сиреналы-дауыс зорайтқыш жүйелері және ұялы телефондарға хабарлама жіберіледі.

Дыбыстық сигналы – бұл ескерту сигналы, ол халықтың назарын аудару үшін беріледі және төтенше жағдайлар немесе олардың қаупі туралы ақпаратты жеткізуге арналған. Алматы облысының Төтенше жағдайлар департаменті тұрғындарды сабырлық сақтауға шақырады. Бұл – тексеру мақсатында берілетін “оқу-жаттығу сигналы” екенін ескертеміз, - деді Алматы облысы ТЖД ресми өкілі Айгерім Қанабекқызы.