Алматы облысында сирек кездесетін жануарларды заңсыз ұстаған азамат ұсталды

Алматы облысында сирек кездесетін жануарларды заңсыз ұстаған азамат ұсталды, деп хабарлайды BAQ.KZ.

4 мамыр жедел-іздестіру іс-шараларын өткізу кезінде ПД ҰҚҚКБ қызметкерлері сирек кездесетін жануарларды, атап айтқанда 5 айлық екі арыстан күшігін заңсыз ұстаған 2001 жылғы А. есімді азаматты анықтады.

Аталған дерек ҚК 339-бабының 1-бөлігінде көзделген қылмыстық құқық бұзу белгілері бойынша Қарасай ауданының полициясында тіркелді.

Полиция қызметкерлері тексеруден кейін экзотикалық жануарларды тәркіледі.

Аталған дерек бойынша қылмыстық істі тергеудің толықтығы мен жан-жақтылығын қамтамасыз етуге бағытталған барлық қажетті тергеу әрекеті жүргізіліп жатыр.