Алматы облысында селфи жасамақ болған екі жеткіншек көз жұмды

Нұр-Сұлтан, BAQ.KZ. Алматы облысында бірегей сурет жасамақ болғандардың әрекеті қайғыға алып келді. 

20 тамызда сағат 19:19-да Алматы облысы Алакөл ауданы Бескөл ауылынан 1 шақырым жерде орналасқан балық зауытының жанындағы жеке ғимаратта суретке түсу кезінде 2004 және 2005 жылы туған екі жеткіншек қаза тапты. 2004 жылы туған үшінші жас жігіттің оң аяғы сынған, ол Үшарал қаласындағы ОАА-ға жатқызылды, - деп хабарлады облыстық төтенше жағдай департаменті. 

Құтқарушылар оқиға орнына келгенде екі жасөсіпірімді 1991 жылдан бері жұмыс істемей тұрған 2 қабатты ғимараттың ішіндегі бетон плита басып қалғаны анықтаған.

Авариялық-құтқару жұмыстарын жүргізуге Алматы облысының ТЖД-ның  7 құтқарушысы мен 3 техника бірлігі, ЖМЖА - 3 қызметкер мен 1 бірлік техника, ЖАО-4 қызметкер мен 2 техника бірлігі ("Багалы-Алакөл"ЖШС-нен 2 кран) шыққан.