16 Мамыр 2026, 22:25
Фото: istockphoto.com
Алматы облысында полицей өз әйелін қызметтік көлігімен қағып кеткен
Алған жарақаттар салдарынан әйел оқиға орнында көз жұмды.
Алматы облысы Балқаш ауданында аудандық полиция бөлімі бастығының орынбасарының қатысуымен жол-көлік оқиғасы тіркелді. Қайғылы жағдай 16 мамыр күні Қонаев – Бақанас автожолының 84-шақырымында болған.
Әлеуметтік желідегі деректерге сүйенсек, қызметтік Hyundai Elantra көлігін тізгіндеген полиция қызметкері көлік ішінде жұбайымен бірге болған. Оқиға алдында ерлі-зайыптылар арасында жанжал болғаны айтылған.
Алматы облыстық ПД мәліметінше, әйелінің өліміне қатысты күдікпен 37 жастағы ер адам ұсталып, уақытша ұстау изоляторына қамалған.