Алматы облысында өзеннен 4 жасар баланың денесі табылды

Нұр-Сұлтан, BAQ.KZ. Алматы облысының Текелі қаласында өзеннен баланың мәйіті табылды.

2 мамыр күні кешкі сағат 18:51 шамасында төтенше жағдайлар қызметінің кезекші бөліміне өзенде баланың мәйіті қалқып жүргені жөнінде хабарлама түсті. Құтқарушылар оқиға орнына барып, Қора өзенінен 2018 жылғы баланың мүрдесін алып шықты,- делінген Алматы облыстық төтенше жағдайлар департаментінің баспасөз қызметі таратқан хабарламада.

Кеше Ақтауда шомылу аймағында бір жасөспірімнің суға батып кеткенін жазғанбыз. 

Төтенше жағдайлардағы құтқарушы мамандар да балаларды қараусыз қалдырмау керектігін ескертуде.