Алматы облысында әйел адам өз баласын ұрып өлтірді

Күдік тағылған әйел адам уақытша ұстау изоляторына қамауға алынған, деп хабарлайды Алматыдағы BAQ.KZ тілшісі.

Оқиға Алматы облысының Боралдай ауылында болғандығы анықталды.

Аталған жағдайға Алматы облысының Полиция департаментінің баспасөз қызметі жауап берді.

Бұл факт бойынша полиция қылмыстық іс қозғады. Күдікті ұсталып, уақытша ұстау изоляторына қамауға алынды. Қазіргі уақытта қылмыстың барлық мән-жайларын объективті зерттеуге бағытталған қажетті тергеу әрекеттері жүргізіліп жатыр, - деді Алматы облысы полиция департаментінің ресми өкілі Меруерт Морякова.