Алматы облысында атыс қаруын сатып алуға 6 млн теңге бөлінді

Алматы, BAQ.KZ тілшісі.  Қару қолдану қылмысын болдырмау мақсатында 25 сәуірден бастап Алматы облысы аумағында халықтан заңсыз сақталған қару-жарақты сатып алу акциясы өтіп жатыр. 

Бұл туралы Алматы облысы ПД ӘПБ бастығы, полиция полковнигі Нұрлан Ысқақов брифинг барысында айтты.

Оның айтуынша, заңсыз сақталған атыс қаруын, оқ-дәрілерді, жарылғыш заттарды ақшалай сыйақыға тапсыруға ниет білдірген азамат тұрғылықты жері бойынша кез келген аумақтық полиция органына өтініш жасай алады.

Азаматтар телефон арқылы жүгінген кезде қару орналасқан жерге барлық қажетті іс-шараларды өткізетін полиция қызметкері жіберіледі. Материалдық өтеу мәселелеріне келетін болсақ, ерікті тапсыру үшін төлемдер сомасы қарудың түріне, оның техникалық жағдайына байланысты және әр бірлік үшін 10 мыңнан 100 айлық есептік көрсеткішке дейін өзгереді. Мысалы, 100 айлық есептік көрсеткішке дейін азамат Автоматты ойық қарудың әрбір тапсырылған бірлігі үшін ала алады. Мұндай соманың жартысы ойық мылтықтар мен карабиндер үшін төленуі мүмкін, - деді Ысқақов.

Сонымен қатар, ойықты тапаншалар мен револьверлер үшін 40 айлық есептік көрсеткішке дейін, ал тегіс ұңғылы мылтықтардың әрбір бірлігі барынша 30 айлық есептік көрсеткішке бағалануы мүмкін.

Комиссия төлемдерінің мөлшерін анықтау кезінде қарудың техникалық жай-күйі ескеріледі және тиісті санат беріледі. Заңсыз сақталған қаруды тапсырған азаматтар қылмыстық заңмен қудаланбайды,-деді полиция полковнигі.

Айта кетейік, аталған науқан бөлінген қаржы біткенше жалғасады. Акцияны  өткізуге 6 млн теңге қаржы қарастырылған.