Алматы облысында 26 адам құтқарылды

Алматы облысында 26 адам құтқарылды, деп хабарлайды BAQ.KZ Төтенше жағдайлар министрлігіне сілтеме жасап.

Талғар ауданында Таусамалы таулы аймағында құтқарушылар сауықтыру лагерінен 300 м қашықтықта жолдан адасқан 1 ересек адам мен 8-15 жас аралығындағы 25 баланы іздестірді, - делінген ведомство ақпаратында.

Қабылданған шаралар арқылы Республикалық жедел-құтқару жасағы адасқандарды тауып, қауіпсіз жерге жеткізді.

Демалушылар медициналық көмек мұқтаж еместігі айтылды.