Алматы облысында 20 санитарлық пост қойылады

Нұр-Сұлтан, BAQ.KZ. Алматы облысында коронавирустың таралуына жол бермеу мақсатында Алматы қаласынан шыға берістерге тәулік бойы жұмыс істейтін 16 санитарлық пост орнатылады.

Бұл санитарлық посттарда тепловизорлары бар СЭС мамандары мен полиция жасақтары тұратын болады. Пост арқылы өтетін көліктердің барлығы дезинфекцияланады, - деп хабарлады Алматы облысы әкімінің баспасөз қызметі.

Дәл осындай тағы 4 пост бүгін Талдықорған қаласының маңында қойылады. Қалаға кірген адамдар арнайы сауалнама толтырады, олардың
дене қызуы өлшенеді. Посттан өтетін әрбір азаматтың өзімен бірге жеке куәлігін алып жүруі маңызды.

Атап өтсек, облыс аумағындағы республикалық, облыстық және аудандық маңыздағы жолдар ашық, әзірге жабылмайды.