Алматы облысында 1300 орамда сақталған шөп өртенді

Алматы облысының құтқарушылары жанып жатқан шөпті сөндірді, деп хабарлайды BAQ.KZ Төтенше жағдайлар министрлігіне сілтеме жасап.

Белгілі болғандай, Кеген ауданы Қарқара ауылында 1300 орамда сақталған шөп өртке оранған.

Құтқарушылардың жедел және үйлесімді жұмысының арқасында өрттің одан әрі үлкен аумақтарға таралуына жол берілмей, толығымен сөндірілді, - делінген ведомство таратқан хабарламада.

Зардап шеккендер жоқ. Өрттің себебі анықталып жатыр.

ТЖМ шөпті сақтау және жинау кезінде өрт қауіпсіздігі ережелерін сақтаудың маңыздылығын еске салады.