Алматы музейлері өткен жылы 85 млн теңге табыс тапты

2024 жылы Алматы музейлері 300 мыңнан астам адамды қабылдаған. Сондай-ақ 85 мыңнан астам мектеп оқушысы музейлерді тегін аралады, деп хабарлайды Алматыдағы BAQ.KZ тілшісі.

Бұл туралы Өңірлік коммуникациялар қызметінің алаңында “Алматы қаласы музейлер бірлестігі” директоры Ляззат Сағындықова мәлімдеді.

2024 жыл Алматы мұражайлары үшін рекордтық жыл болды. Алматы қаласының мәдениет басқармасына қарасты мұражайларға 309 956 адам келді, бұл қала тұрғындары мен туристердің мегаполистің мәдени өміріне белсенді қатысуын көрсетеді. Сондай-ақ 85 019 оқушы мұражайлаоға тегін кіріп, тарихымызбен танысты. Мұражайға кіру билеттерін сатудан 85 миллион теңгеден астам табыс тапты. Бұдан бір жыл бұрын келушілердің табысы 60 000 000 теңгені құраған еді. Бұл көрсеткіштер мұражай мекемелеріне қала тұрғындары арасында ғана емес, туристер арасында да қызығушылықтың артқанын көрсетеді,- деді Ляззат Сағындықова.

Ол сондай-ақ, 2024 жылдың басты жетістіктерінің бірі халықаралық танылу болғанын атап өтті.

Түркия, Әзірбайжан, Қырғызстан, Өзбекстан, Түркіменстан және Қазақстан мұражайлары арасында ТҮРКСОЙ түркі мәдениеті ұйымы үздіктерді анықтады. Алматы музейлері жоғары марапатқа ие болған Қазақстанның алғашқы қаласы болды - Best Museum of the Turkic World. Бұл мәртебе қалалық мұражайлардың тарихи-мәдени мұраны сақтау мен насихаттаудағы рөлін растай отырып, олардың халықаралық жағдайын күшейтеді. Шетелді мойындатып, танылу Алматы әкімдігінің ұлттық деңгейде ғана емес, халықаралық деңгейде де мәдениетті дамытуға қосқан үлесін көрсетеді, - деді “Алматы қаласы музейлер бірлестігі” директоры.