Алматы маңында тұрғын үй кешені өртенді

Алматы, BAQ.KZ. Алматы облысы Қарасай ауданындағы "Асыл арман" ТК-де өрт болды. Бұл туралы  zakon.kz хабарлады.

Өрт көпқабатты үйдің үшінші қабатынан шыққан және түтіннің бәрі жоғары көтерілген. Қою түтіннен адамдар тұншыға бастаған.

Оқиға орнына өрт сөндірушілер мен жедел жәрдем қызметі келіп, алтыншы үйдің үшінші подьезд тұрғындарын қауіпсіз жерге көшірді. Кейбір адамдарды өрт сөндірушілердің арнайы сатысымен түсірді.

Оқиға орнына төрт өрт сөндіру техникасы мен алты жедел жәрдем жұмылдырылған.