Алматы «ақылды қала» тізімінде Киевтен озды

Алматы, BAQ.KZ тілшісі. Бұл туралы Алматы қаласы Цифрландыру басқармасының басшысы Баян Қоңырбаев мәлімдеді. 

Б. Қоңырбаевтың айтуынша, Алматы ТМД мен Шығыс Еуропа аумағындағы қалалардың көшбасшы тобына кіреді. 

Ең бастысы, цифрландыру туралы сөз болғанда, біз «Алматы - 2050» бағдарламасы мен «Цифрлық Қазақстан» бағдарламасы басқарудың стратегиялық мақсаттарына сәйкес болуы тиіс екенін түсінуіміз керек, - деді басқарма басшысы. 

2021 жылдың қорытындысы бойынша 2017 жылдан бастап халықаралық деректер корпорациясының цифрлық жетілу рейтингінде Алматы қаласы 2,7 балл позициясын алған. 

Бұл біз соңғы екі жылда қолжеткізген өте үлкен көрсеткіш. Бұл маңызды оқиға. Түсінікті болу үшін, 2019 жылы біз 10-орынды иелендік, ал ТМД-ның ақылды қалалары арасындағы соңғы нәтижелер бойынша біз 2-орында тұрмыз. Яғни, біз Киевтен озып, Мәскеуден кейінгі орындамыз, - деді Б. Қоңырбаев. 

Цифрлық жетілу – қаланың өз дамуында цифрлық шешімдерді енгізуге дайындығының негізгі көрсеткіші екенін атап өткен жөн.

Басқарма басшысының айтуынша, цифрлық трансформация – бұл жаһандық мақсат және цифрлық жетілу, оның негізгі белгілерінің бірі ретінде, барлық салада барлық деңгейде қол жеткізілуі тиіс. Бұл жағдайда цифрлық трансформация процесін сәтті деп атауға болады. 

Біз қаланы цифрландыруға ғана емес, тұрғындарымызға қолайлы жағдай жасауға, таланттардың дамуына жағдай жасауға және өмірлік белсенділігімізге жаңа технологияларды тартуға ұмтыла бастадық, - дейді Қоңырбаев. 

Алматыны цифрландырудың негізгі жетістіктері туралы айтқан спикер мегаполистің бес жетістігін еске алды. Бұл тізімде Бірыңғай деректер базасы, Бірыңғай коммуникациялық кеңістік, шалғай аудандарда АКТ-ны инфрақұрылымдық дамыту, қала аудандарын экономикалық кластерлеу және Smart City Accelerator бар.