Алғаш рет табиғи кесарь тілігінің модификациясы бойынша оқыту шеберлік сағаты өтті
Қазақстанда бұл әдісті "С.Ж. Асфендияров атындағы Қазақ ұлттық медицина университеті" КеАҚ акушерлік және гинекология кафедрасының профессоры Г. К. Омарова жетілдіріп, практикалық акушерлікке "табиғи" кесарь тілігінің модификациясы ретінде енгізді, деп хабарлайды BAQ.KZ.
Осы әдіс бойынша алғашқы операция Алматы қаласында өтті.
Бүгінгі таңда Жетісу облысының дәрігерлері бұл тәжірибені облыстық перинаталдық орталықтың базасында қолданады.
"Табиғи" кесарь тілігінің модификациясы физиологиялық босанудың биомеханизм қағидаттарын ұстанып қана қоймайды, бұл жаңа туған нәрестеге жатырдан "өздігінен" шығуына мүмкіндік береді, сонымен қатар босанған әйелдің баламен өмірінің алғашқы минуттарынан бастап: кіндікті кешіктіріп кескеннен кейін бірден және табиғи босанулардағыдай операциядан кейінгі алғашқы 2 сағатта тікелей ерте байланысын қамтамасыз етеді.
Жаңа туған нәрестенің ананың терісімен ерте байланысын хирург оны операциялық киімде арнайы жасалған "терезе" арқылы ананың кеудесіне ауыстыру арқылы қамтамасыз етеді, осылайша бала медицина персоналымен байланыспайды. Операция кезінде босанған әйел жаңа туған нәрестемен бастапқы және тікелей байланыста болады, психоэмоционалды қанағаттануды сезінеді, оны өмірдің алғашқы минуттарынан бастап көреді, - дейді профессор.
"Табиғи" кесарь тілігінің модификациясы артықшылықтарының бірі – физиологиялық босанудың биомеханизм қағидаттарын сақтау, интероперациялық кезеңнен бастап акушер мен неонатологты айналып өтіп, ана мен баланың бірге болуы жаңа туған нәресте мен ананың "теріден теріге" алғашқы ерте байланысы, жаңа туған нәрестенің тез физиологиялық бейімделуі.
2022 жылы профессор Г. Омарова "Ана мен бала" конференциясында өзінің бірегей әдістемесін таныстырды. Жетісу облысының дәрігерлері қызығушылық танытты, ал 2023 жылы біз Қазақстанда бірінші болып табиғи кесарь тілігі бөлімін қолдандық, - деп бөлісті Жетісу облысының Денсаулық сақтау басқармасы басшысының орынбасары Әйгерім Бауыржанқызы.
"Табиғи" кесарь тілігінің модификацияланған әдісі жоспарлы түрде жүргізілді және үш күннің ішінде ОПО дәрігерлері 10 әйелді босандырды.