Карантин: Әлеуметтік төлемдер сомасы бойынша шектеуді қалай алып тастауға болады?

Нұр-Сұлтан, BAQ.KZ. Осы мәселе, оның ішінде 42 500 теңге бойынша сұрақтар қалай шешіліп жатқаны туралы Fingramota.kz айтып береді.

Карантиндік режимнің күшеюіне байланысты табысынан айырылған азаматтарға МӘСҚ-тан 42 500 теңге мөлшерінде әлеуметтік көмекті төлеу қайта басталды. Сондай-ақ, халықтың әлеуметтік осал топтарына жататын және ресми тіркелген жұмыссыздарға азық-түлік-тұрмыстық жиынтықтары үшін төлемдер аударылады. Birgemiz қоғамдық қоры мұқтаж қазақстандықтарға қайырымдылық көмек көрсетеді. Шектеу шаралары кезеңінде барлық әлеуметтік төлем төлем карточкалары шығарылған азаматтардың ағымдық шоттарына түседі.

Банк шоттарындағы ақша инкассалық өкімдер, төлем талаптары, тыйым салу туралы қаулылар, шығыс операцияларын тоқтату туралы өкімдер негізінде үшінші тұлғалардың өндіріп алуы мен шектеулерінен қорғалмағанын атап өтеміз. Мемлекеттік бюджеттен және (немесе) Мемлекеттік әлеуметтік сақтандыру қорынан төленетін жәрдемақылар мен әлеуметтік төлемдерді есептеуге арналған арнайы шоттар ғана бұған жатпайды.

ҚР Қаржы нарығын реттеу және дамыту агенттігі Қазақстан қаржыгерлер қауымдастығымен бірлесе отырып, 42 500 теңге мөлшеріндегі әлеуметтік төлемдердің үшінші тұлғалардың өндіріп алуынан сақталуын қамтамасыз ету бойынша ең жоғары мүмкін болатын шараларды қабылдауда.

Әлеуметтік төлемдердің сомаларынан ақшаны есептен шығару үшін ҚР Қаржы нарығын реттеу және дамыту агенттігі Қазақстан Қаржыгерлерінің қауымдастығымен бірлесіп банктермен және мүдделі мемлекеттік органдармен бірлесіп, белсенді жұмыс жүргізуде. Мәселен, Агенттік банктерге жеке тұлғалардың, сондай-ақ дара кәсіпкер ретінде тіркеу есебінде тұрған жеке тұлғалардың және жеке практикамен айналысатын тұлғалардың банктік шоттары бойынша әлеуметтік төлемдерден төлем тапсырмаларын орындамау бөлігінде меморандумның қолданылуын жаңартуды ұсынады. Осындай меморандумның алғашқы рет ТЖ кезеңінде жасалғанын еске саламыз. Осылайша, Қазақстанның ірі банктері әлеуметтік төлемдердің сомаларына қатысты төлем тапсырмаларын орындауға уақытша мораторий жариялау туралы уағдаласты, - делінген хабарламада.

Бұдан бөлек, банктер мемлекеттік кірістер органдарымен, сот орындаушыларымен инкассалық өкімдерді және тыйым салу туралы актілерді, шығыс операцияларын тоқтата тұру туралы шешімдерді немесе өкімдерді орындау үшін әлеуметтік төлемдерден өндірмеуге бағытталған барынша мүмкін болатын шараларды қабылдау бойынша өзара іс-қимылды күшейтетін болады. Сондай-ақ қаржы реттеушісі банктерге ақшаны клиенттердің мемлекеттік бюджеттен немесе Мемлекеттік әлеуметтік сақтандыру қорынан төленетін жәрдемақылар мен әлеуметтік төлемдерді есепке алуға арналған банктік шоттарына есепке алуды ұсынды.

Әлеуметтік төлемдер мен қайырымдылық көмекті есепке алу және алып тастау банктер тарапынан комиссиясыз жүзеге асырылуға тиіс. Әлеуметтік төлемдер келіп түскен банктік шоттарға қойылатын шектеулерді, талаптарды алып тастауда банктерге барынша ықпал көрсету үшін Агенттік мүдделі мемлекеттік органдармен: Әділет министрлігімен, Жеке сот орындаушыларының Республикалық палатасымен, Қаржы министрлігімен және басқалармен өзара іс-қимыл тетіктерін әзірлеуде.

Бұдан басқа, қаржы реттеушісі 42 500 теңгеден шектеулер мен талаптарды алып тастау мәселелері және басқа төлемдер бойынша мына жедел желі телефондары: +7 (727) 2788 122, 2788 144 (жұмыс режимі: дүйсенбі-жұма, 9.00-ден 18.30-ға дейін), "Fingramota Online" мобильді қосымшасы арқылы кеңес береді. Сондай-ақ, ҚР Қаржы нарығын реттеу және дамыту агенттігі Қазақстан қаржыгерлерінің қауымдастығымен және банктермен бірлесіп, әлеуметтік көмек алу үшін карт-шоттарды қашықтан ашу бойынша бұқаралық ақпарат құралдарында белсенді ақпараттық-түсіндіру жұмыстарын жүргізуде. Қазіргі уақытта әлеуметтік жәрдемақы алуға арналған банктік карталар қашықтан және ақысыз беріледі, - делінген хабарламада.

ҚР Қаржы нарығын реттеу және дамыту агенттігі екінші деңгейдегі банктермен төлем карталарын банктің бөлімшелеріне бармай-ақ қашықтықтан алу алгоритмін жасады.

Бұл алгоритм Агенттіктің ресми сайтында жарияланған. Барлық банк азаматтарға өздерінің ресми сайттарында, мобильді қосымшалар мен әлеуметтік желілерде шоттарды қашықтықтан ашу және төлем карталарын алу тәртібі туралы хабарлайды.

Шоттарды қашықтықтан ашу қызметтерін ұсынатын банктер туралы толық ақпарат fingramota.kz порталында, сондай-ақ әлеуметтік желілердегі Агенттіктің парақшаларында орналастырылған.

Әлеуметтік төлемдерді және қайырымдылық көмекті алушылар:

- банктер әлеуметтік төлемдер беру бойынша шектеулер белгілеген жағдайда, ҚР Қаржы нарығын реттеу және дамыту агенттігіне – Сіздің дербес деректеріңізді көрсете отырып жазбаша (ТАӘ, ЖСН, тұрғылықты мекенжай, банктің атауы және өзге де қажетті мәліметтер) өтініш жасайды, Хат-хабарды қабылдау мына мекенжай бойынша: А15С9Т5, Алматы қ., Көктем-3 ш/а, 21-үй, байланыс телефон: +7 (727) 2619 200 жүзеге асырылады. Қаржылық қызметтерді тұтынушылар мына электрондық пошта арқылы: info@finreg.kz және TAL@finreg.kz, аумақтық тиістілігі бойынша – Өңірлік өкілдер басқармасына өтініш жаза алады;

- Жеке сот орындаушыларының Республикалық палатасының өтініштерді қарау бөлімі сот орындаушыларынан әлеуметтік төлемдер сомасынан шектеулер мен талаптарды алып тастауынан бас тартқан жағдайда - телефон бойынша: +7 778 120 53 98, + 7 701 309 37 07, rpchsikz2@gmail.com электрондық пошта арқылы өтініш жазады;

- Қазақстан Республикасы Қаржы министрлігінің Мемлекеттік кірістер комитеті салық органдары салған шоттардан шектеулерді алу бойынша бас тартқан жағдайда байланыс орталығы арқылы: 1414, 8 800 080 7777 хабарласады.