Әлем кубогы: бүгін кімдер рингке шығады

Астанада өтіп жатқан бокстан әлем Кубогы кезеңінің бесінші күні ширек финалдық жекпе-жектермен жалғасады. Бұл күні 16 кездесу жоспарланған, деп хабарлайды BAQ.KZ.

Қазақстан құрамасынан бүгін бес боксшы рингке шығады:

• Алуа Балкибекова (51 кг дейін) – Жапониялық Юна Нишинакаға қарсы;
• Аида Әбікеева (65 кг дейін) – Кореялық Кан Сукёнмен жұдырықтасады;
• Елдана Тәліпова (80 кг жоғары) – Өзбекстандық Олтинои Сотимбоевамен кездеседі;
• Ермуған Зейнуллинов (65 кг дейін) – Франциядан келген Уго Крауға қарсы рингке шығады;
• Сағындық Тоғамбай (90 кг дейін) – Түркиялық Эмрах Ясармен жекпе-жек өткізеді.

Кешкі сессия Астана уақытымен сағат 19:00-де Жақсылық Үшкемпіров атындағы жекпе-жек сарайында басталады. Кездесулерді Qazsport телеарнасы тікелей эфирде көрсетеді.