"Алдағы он жылдықта": ғалым жерден тыс өмір туралы мәлімдеме жасады

Қазіргі ғылым жерден тыс өркениеттерді табуға мүмкіндік беріп отыр. Бұл туралы Рочестер университетінің физигі әрі астроном Адам Франк айтты, деп хабарлайды BAQ.KZ тілшісі.

Бұл таңғаларлық нәрсе, бірақ бұл мәселе бойынша екі жарым мың жыл бойы дауласқаннан кейін, бізде шынымен осы сұраққа (еск - жерден тыс өркениеттер саны туралы) жауап беру мүмкіндігі пайда болды. Алдағы 10, 20, 30 жылда бізде оған жауап беруге мүмкіндік беретін деректер болады, — дейді профессор Алекс Фридиманға берген сұхбатында.

Жерге ұқсас қанша планета бар?

Соңғы зерттеулерге қарағанда Құс жолы галактикасында 6 миллиардқа жуық жерге ұқсас планета болуы мүмкін.

Құс жолында шамамен 100 миллиардтан 400 миллиардқа дейін жұлдыз бар, ал әр жұлдыздың айналасында орта есеппен 1,5-2 планета бар екенін ескерсек, демек Құс жолында 100 миллиардтан 800 миллиардқа дейін планета болуы мүмкін.

Бұл туралы BAQ.KZ тілшісіне астроном Артур Гайдук айтып берген еді.