Қалаларда карантин сақталмағандықтан індет жұқтырғандар саны артып барады – Президент

Нұр-Сұлтан, BAQ.KZ. Мемлекет басшысы Қасым-Жомарт Тоқаев коронавирус індетін жұқтырғандардың саны артып бара жатқанына алаңдаушылық білдірді.

Қалаларда карантин шаралары сақталмағандықтан індет жұқтырғандар саны артып барады. Үкімет, облыс және қала әкімдері жағдайды реттеуі керек. Көпшілік орындарда, қоғамдық көліктерде бетперде тағу міндетті. Азаматтардың денсаулығын сақтау үшін нақты шешімдер қабылдау қажет, - деп жазды президент Twitter-дегі парақшасында.