Ақтөбе облысында «Қару» жедел алдын алу іс-шарасы аяқталды

Нұр-Сұлтан, BAQ.KZ. 11-13 қараша аралығында Ақтөбе облысы аумағында қару, оқ-дәрілер, жарылғыш заттар мен құрылғыларды, сондай-ақ өнімдердің заңсыз  айналымына қарсы іс-қимыл мақсатында «Қару» жедел алдын алу іс-шарасы өткізілді. Бұл туралы облыстық полиция департаментінің баспасөз қызметі хабарлады.

Полиция департаменті бастығының орынбасары полиция полковнигі Қ. Нұрмағамбетовтің мәлімдеуінше, жүргізілген жедел-іздестіру және алдын алу іс-шаралары барысында бұрын жасалған қылмыстың 1 фактісі анықталды, тегіс ұңғылы мылтықтың 3 кесіндісі, 1 травматикалық тапанша, «қолөнер өндірісінің» 1 кастеті және ұсақ калибрлі ойық қарудан 2 патрон алынды. Сондай-ақ 11 бірлік тегіс ұңғылы аңшылық мылтық пен 56 патрон алынған.

Мәселен, 9 тамызда Ақтөбе қаласында орын алған травматикалық қаруды заңсыз сақтау фактісі анықталды. Алтынсарин көшесінде 34 жастағы жүргізушінің басқаруындағы «Ниссан-шана» автокөлігіндегі сөмкеден 9 мм калибрлі тапанша, травматикалық оқ-дәрілермен ату мүмкіндігі бар «Шарк» моделі алынды. Аталған факті ҚР ҚК 287-бабы 2-бөлігі бойынша Ақтөбе қаласы Алматы ауданы №3 қалалық полиция бөлімінде тіркелді. Жиналған дәлелдемелердің жиынтығы бойынша қылмыс жасауда 34 жастағы күдікті ұсталды. Ұсталған азаматқа қатысты бұлтартпау шарасы – келу міндеттемесі таңдалды, - деді ол.

Жедел алдын алу іс-шарасын жүргізу кезінде атыс қаруын сақтау тәртібінің 10 дерегі анықталды, заңнамаға сәйкес алынған қару жойылуға жіберіледі.

Айта кетейік, бұған дейін Түркістан  және Павлодар облыстарында да «Қару» іс-шарасы жүргізілген болатын.