Ақпаратқа қол жеткізу туралы заңға өзгерістер енгізіледі

Нұр-Сұлтан, BAQ.KZ. Президент Жолдауын іске асыру жөніндегі Жалпыұлттық іс-шаралар жоспарының 120-тармағына сәйкес, ақпаратқа қол жеткізу туралы Заңға өзгерістер мен толықтырулар енгізу бойынша жұмыс жүргізілуде.

Бұл туралы АҚДМ баспасөз қызметі хабарлады.

Енгізілетін түзетулер бақылау мен жауапкершілікті күшейту, сондай-ақ Ақпаратқа қол жеткізу туралы Заңның жекелеген нормаларын қолдану аясын кеңейту секілді екі міндетті шешуді көздейді.

Мемлекет басшысына жыл сайын ақпаратқа қол жеткізу саласының жай-күйі туралы есеп енгізіледі, ал Ақпарат және қоғамдық даму министрлігіне ақпаратқа қол жеткізу саласындағы уәкілетті органның функциялары беріледі деп болжануда, - делінген ведомство хабарламасында.

Бұдан басқа, ақпарат иеленушілер қатарына кәсіпкерлік субъектілері мен олардың бірлестіктерін, атқарушы органдардың функцияларын жүзеге асыратын өзін-өзі реттейтін және ҮЕҰ жатқызу ұсынылады.

Әзірленген түзетулер қазіргі уақытта Парламент Мәжілісінде қаралатын ақпарат мәселелері жөніндегі заң жобасына енгізілді.