Ақмола облысында жас құтқарушылар арасында жарыс өтті

Нұр-Сұлтан, BAQ.KZ. Ақмола облысының Төтенше жағдайлар департаменті жас құтқарушылар арасында облыстық жарыс өткізді.

Бұл туралы департаменттің баспасөз қызметі хабарлады.

Іс-шараға 40-тан астам ақмолалық студенттер мен оқушылар қатысты. Жарыс «Визит карточкасы», «Алғашқы көмек көрсету», «Өрт эстафетасы», «Жауынгерлік қанат жаю» және «Су айдынындағы құтқару жұмыстары» сынды кезеңдерден тұрды.

Жарыс қорытындысы бойынша, бірінші орынды «Құтқарушылар» командасы, екінші орынды «Сұңқар» командасы және үшінші орынды «Бүркіт» командасы иеленді.

Адамды қалай құтқаруға болады? Бұл сұраққа жас құтқарушылар командасының жігіттері нақты жауап бере алады. 16-17 жас аралығындағы ұлдар мен қыздар төтенше жағдайларда өзін қалай ұстау керектігі туралы білім мен дағдыларын көрсетті. Бүгін балалар өртті сөндіріп, суға батып бара жатқан адамға көмекке келіп, алғашқы медициналық көмек көрсетті. Сонымен қатар, тапсырмаларды жедел орындау ғана емес, сонымен қатар, белгіленген ережелерді сақтау да маңызды болды. Жарыстың негізгі мақсаты - өз өмірі мен айналасындағыларға жауапкершілік сезімін тәрбиелеу, - деді Ақмола облысы ТЖД бастығының орынбасары Манарбек Шапағатов.

Айта кету керек, осы іс-шараларға қатысушылар кейіннен Төтенше жағдайлар органдарына қызметке кіреді. Өрт-қолданбалы спортымен айналысады және жүлдегер атанады. Көптеген қатысушылар мен оқушылар біздің мамандандырылған оқу орындарында оқуын жалғастыруда.