Ахмет Байтұрсынұлы ауылына апаратын жол қашан жөнделеді?

Қостанай облысының әкімі Құмар Ақсақалов Ахмет Байтұрсынұлы мен Міржақып Дулатұлының ауылына апаратын жолдардың қашан жөнделетінін айтты, деп хабарлайды BAQ.KZ тілшісі.

2021 жылы Ахмет Байтұрсынұлының ауылына баратын жолға шамамен 27 шақырым асфальт төселген еді. Ал ауыл аудан орталығынан 120 шақырым алыста орналасқан. Биыл қалған 80 шақырым жолға қаражат бөлінді. Келесі жылы жұмысты аяқтайын деп отырмыз. Қызбел ауылы (еск. - Міржақып Дулатұлы) орталықтан 140 шақырым жерде орналасқан. Оған 1,5 млрд теңге қарастырылды. Биыл оның 15 шақырым жолы жөнделді, ал қалғанын келесі жылы аяқтаймыз, - деді Құмар Іргебайұлы Өңірдің әлеуметтік-экономикалық дамуы жөнінде өткен брифингте.