Мәскеу қаласында Әбілязовтің соты 31 қаңтар күні басталады

Нұр-Сұлтан, BAQ.KZ. 31 қаңтарда Мәскеудің Таган сотында қазақстандық "БТА Банк" директорлар кеңесінің экс-төрағасы Мұхтар Әбілязов бақылауындағы ұйымнан 58 миллиардтан аса рубль жымқырғаны үшін қылмыстық істің тыңдалымдары басталады.

Бұл туралы РАПСИ хабарлады. 

Сот жұмада кәсіпкердің қорғаушысының келмеуіне байланысты қылмыстық істі қарай алмады. Іс бойынша сол банктің бұрынғы басқарма төрағасы Роман Солодченко, сондай-ақ банктің басқа бұрынғы қызметкерлері: Артур Трофимов, Игорь Кононко, Татьяна Параскевич, Анатолий Ерещенко және Александр Удовенко күдікті ретінде өтуде. 

Қылмыстық істің фигуранттары Еуропада жүр және оларды алуға тек Ресей ғана емес, сонымен қатар Қазақстан мен Украина да үміткер. Мәскеу соты істі сырттай қарайды. 

Тергеушілердің мәліметінше, Әбілязов Ресей Федерациясының аумағында орналасқан, қазақстандық банктің аса ірі мөлшерде ақша қаражатын жүйелі түрде ұрлауға мүмкіндік беретін, ауқымды инвестициялық жобаларды қаржыландырудың бірнеше күрделі және шатастырылған схемаларын әзірлеген. 

Сот ісі 400-ге жуық томнан тұрады. Әбілязов аса ірі мөлшердегі алаяқтықтың 9 эпизоды бойынша айыпталып жатыр. Үшеуі қылмыстық жолмен келген мүлікті заңдастыру,  қылмыс жасау, өкілеттіктерді теріс пайдалану және ұйымдасқан топтың алдау жолымен аса ірі залал келтіру салдарынан алынған мүлікті жария етудің 3 эпизоды бойынша айыпталып жатыр. Ұйымдасқан қылмыстық топтың алдау жолымен өкілеттігін теріс пайдалану және аса ірі залал келтіру. 

Айта кетейік, Қазақстанда Әбілязов "БТА Банкінен" шамамен 7 млрд доллар ұрлағаны үшін 20 жылға, ал былтыр - банкир Ержан Тәтішевті өлтіруді ұйымдастырғаны үшін өмір бойына сотталды.

Бқған дейін, сотталған банкир Мұхтар Әбілязовтің сыбайласы Александр Удовенко АҚШ сотының алдында жауап берді. Ол Вашингтон маңындағы қалашықта ұсталған. Бұл туралы Еureporter.co сайтында хабарланды.