Абайдағы орман өртінің салдарына қанша қаржы жұмсалды?

Абай облысындағы алапат орман өртінің салдарына қанша қаржы жұмсалғаны белгілі болды, деп хабарлайды BAQ.KZ тілшісі.

Бұл туралы Премьер-министрдің орынбасары – Қаржы министрі Ерұлан Жамаубаев Сенаттың кулуарында берген сұхбатында мәлімдеді.

Әзірге жалпы өрт трагедиясы салдарының орнын толтыру есебі жасалған жоқ. Себебі өрт толықтай сөндірілмеді. Есептеу  үшін резерв пен Үкімет, сондай-ақ Абай облысы бар. Нақты сандар белгілі болған соң барлығын айтамыз, - деп түсіндірді ведомство басшысы.

Айтуынша, бүгінгі таңда Үкімет қазынасынан әлі бір тиын жұмсалмаған.

Мемлекет қазынасынан әлі бір тиын жұмсалған жоқ. Себебі шығын әлі есептелген жоқ, - деді Ерұлан Жамаубаев.