Абай облысындағы табиғи өрт оқшауланды

"Семей орманы" мемлекеттік орман табиғи резерватының аумағындағы өрт оқшауланды, деп хабарлайды BAQ.KZ Төтенше жағдайлар министрлігіне сілтеме жасап.

5 тамызда сағат 10:21-де "Семей Орманы" мөр аумағындағы орман алқабының жануы оқшауланды. Резерваттың мәліметінше, жану алаңы 27 га құрайды. Жағдайдың тұрақтануына байланысты ТЖМ бөлімшелері тұрақты орналасқан жерлеріне қайтарылды, - делінген хабарламада.

Айта кетейік, 4 тамызда сағат 15:30-да "Семей орманы" мемлекеттік орман табиғи резерватының аумағында өрт болғаны туралы хабарланған болатын.