Абай облысында құтқарушылар науқас баланы ауылдан аудандық ауруханаға апаруға көмектесті

Абай облысында құтқарушылар науқас баланы ауылдан аудандық ауруханаға тасымалдауға көмектесті, деп хабарлайды BAQ.KZ.

2023 жылғы 6 қаңтарда кешке қарай «112» пультіне Жарма ауданы Қызылағаш ауылынан температурасы бар науқас баланы Аягөз қаласының аудандық ауруханасына шұғыл тасымалдау талап етілетіні туралы хабарлама келді, өйткені ауа-райының қолайсыздығы мен боранға байланысты ауылға жол болмады.

Шақыру орнына Аягөз ауданының №13 өрт сөндіру бөлімінен құтқарушылар – жоғары өтімділік техникасы 2 Нива марш, жеке құрамның 4 адамы және Аягөз қаласының аудандық ауруханасынан 2 фельдшер шықты.

Оқиға орнына келгеннен кейін балаға алғашқы медициналық көмек көрсетілді. Жұмыс барысында құтқарушылар дәрігердің, фельдшердің және әкесінің сүйемелдеуімен баланы Аягөз қаласының орталық аудандық ауруханасына тасымалдауға көмектесті. Қазіргі уақытта баланың жағдайы қанағаттанарлық.