Абай облысында «Ғашықтар» саябағы ашылды

Абай облысының Бесқарағай ауданы орталығының Мұхтар Әуезов көшесінің бойында жаңа «Ғашықтар» саябағы ашылды, деп хабарлайды BAQ.KZ.

Облыстық әкімдіктің мәліметінше, саябақта абаттандыру жұмыстары жүргізілді, оның ішінде 440 шаршы метр жерге қоршау орнатылды. Жаяу жүргіншілер жолына терек ағашы мен 10 көк шырша көшеті отырғызылды.

Алаңда көпір мен жүрек түріндегі шағын архитектуралық пішін, сәндік орындықтар мен қоқыс жәшіктері орнатылған. Сондай-ақ саябақ қуаты 150 Вт болатын 6 шаммен жарықтандырылған.

Жаңа «Ғашықтар» саябағының ашылуында жастар некесін қиды. Ал оларға жақында ғана «алтын тойын» тойлаған Жетіжар ауылының құрметті азаматтары ақ батасын берді.