АҚШ-та 20-дан астам адам өрт құрбаны болды

Нұр-Сұлтан, BAQ.KZ. Америка Құрама Штаттарының батысындағы орман өртінен кем дегенде 23 адам қаза тапты. Бұл туралы 24.kz жазды.

USA Today-дің хабарлауынша, Калифорнияда 19 адам, Орегонда үш адам, Вашингтонда бір адам көз жұмды.

Сондай-ақ ондаған адам із-түзсіз жоғалып кетті, бірнеше адам ауыр жарақат алды.

Өрттен жүздеген үй қирады, мыңдаған ғимарат құлауы мүмкін.

Болжам бойынша елде 1,8 млн гектар аумақты алатын 100-ден астам ірі өрт болып жатыр.