90 мыңнан астам қазақстандық еңбек биржасы арқылы жұмыс іздеген

Астата, BAQ.KZ. 2018 жылдың желтоқсан айында Қазақстанда 91,6 мың жұмыссыз еңбек биржасына тіркелген. Бұл жөнінде LS порталы хабарлайды. 

2017 жылдың балама көрсеткішімен салыстырғанда жұмыспен қамту орталығына жүгінгендер сану 30,3% процентке өскен. 

Статистика комитетінің мәліметі бойынша, 2018 жылдың желтоқсанында Қазақстандағы жұмыс күші 9,1 млн адамды құраған. Оның ішінде жұмыспен қамтылған халық саны 8,7 млн адам болса, 445,1 мың адам - жұмыссыздар. 2018 жылдың қараша айынан бастап жұмыссыздық деңгейі 4,9% деңгейінде сақталып келеді. 

Бұған қоса, жалпы ЕАЭО бойынша бұл көрсеткіш экономикалық белсенді халықтың 5% тең. Осылайша, Арменияда жұмыссыздық деңгейі 20,2% (2018 жылдың ІІ тоқсаны), Беларусьте – 4,8% (2018 жылдың IV тоқсаны), Қырғызстанда – 6,9% (2017 жыл), ал Ресейде – 4,6% (2018 жылдың ІІІ тоқсаны).