8 наурызда әйелдер қауымы қоғамдық көлікпен тегін қатынайды

8 наурызда Халықаралық әйелдер күніне орай еліміздің кейбір қалаларда әйелдер қауымына қоғамдық көліктерге тегін жүруге мүмкіндік берілді, деп хабарлайды BAQ.KZ.

Бұл туралы бірнеше жергілікті әкімдік мәлімдеді.

Мерекенің құрметіне нәзікжандылар қауымына осындай мүмкіндікті Астана, Ақтау, Ақтөбе мен Атырау қалалары ұсынды.

Ал қалған қалаларда төлемдер әдеттегідей алынуы мүмкін.