-40 градусқа дейін төмендейді. Қазавтожол ескерту жасады

Қазавтожол еліміздің ауа райы туралы мәлімет таратты, деп хабарлайды BAQ.KZ.

Шығыс Қазақстан, Қарағанды,Ұлытау және Абай облысында қатты аяз күтіледі. Ауа температурасы -40 градусқа дейін жетуі мүмкін.

Жезқазған мен Ұлытау облысында қарлы боран соғып, бұрқасын болжанады.

Маңғыстау облысында көктайғақ, тұман түседі. Ал, Түркістан және Қызылорда облыстарында екпінді жел 15-20 м/с дейін жетеді. Салдарынан автожолда көрініс шектелуі мүмкін.

Жетісу облысының таулы аймақтарында аяз -27 градусқа жетіп, 15-20 м/с дейін екпінді жел соғады.

Қауіпсіздік мақсатында жол жүру ережесін қатаң сақтап, ұзақ жолға шығар алдында ауа райының қолайсыздығын ескерулеріңізді сұраймыз, - делінген хабарламада.