4 тамызға арналған ауа райы болжамы

Нұр-Сұлтан, BAQ.KZ. 4 тамыз, бейсенбіде күн ашық, жауын-шашынсыз ауа райы күтіледі деп хабарлайды "Қазгидромет" РМК.

Қазақстан аумағының басым бөлігі антициклон жоталарының ықпалында болғандықтан, ашық жауын-шашынсыз ауа райы күтіледі. Тек еліміздің батысы және шығысында жоғары жыралардың әсерінде жаңбыр жауады, батыста кей жерлерде қатты жаңбыр жауады, найзағай, дауыл күтіледі, бұршақ жаууы ықтимал. Республиканың кей жерлерінде желдің күшейюі күтіледі.

Маңғыстау, Атырау, Батыс Қазақстан облыстарының кей жерінде жел 15-20 м/с күтіледі, бұршақ жаууы ықтимал, Атырау, Батыс Қазақстан облыстарының кей жерінде дауыл күтіледі. Ақтөбе облысының кей жерінде жел 15-20 м/с күшейеді, күндіз бұршақ жаууы ықтимал. Шығыс Қазақстан, күндіз Павлодар, Солтүстік Қазақстан, Қостанай, Қызылорда облыстарының кей жерінде жел 15-20 м/с. Қарағанды облысының кей жерінде жел 15-23 м/с күшейеді.

Күндіз Қостанай, Солтүстік Қазақстан облысында, Қарағанды облысының оңтүстікте қатты ыстық күтіледі.

Атырау облысында, Ақтөбе, Қызылорда, Түркістан облыстарының басым бөлігінде, Батыс Қазақстан, Қарағанды, Алматы, Жамбыл облыстарының кей жерінде төтенше өрт қаупі сақталады.