4 мыңнан астам қосымша грант тағайындалады - Дидар Смағұлов

Нұр-Сұлтан, BAQ.KZ. Ұлттық тестілеу орталығының директоры Дидар Смағұлов қосымша гранттар тағайындалатынын мәлімдеді. Оның айтуынша, орталық 15 қазанға дейін тағы 4 мыңнан астам отбасын қуантпақ.

Оларға Үкімет қаулысы шыққаннан кейін қосымша гранттар тағайындалады. Педагогикалық ғылымдар, АКТ, инженерлік, өңдеу мен құрылыс салалары, ауыл шаруашылығы және биоресурстар мамандықтары қамтылады, - деді Дидар Смағұлов.

Айта кетейік, Ұлттық тестілеу орталығы барлық бейнежазбаны талдаудан өткізгеннен кейін ҰБТ-да жоғары ұпай алған 5 түлектің аты-жөнін жариялаған болатын. Олар:

Шәмші Ақберен Серғалиқызы – 139 ұпай;

Әбдіманап Абзал Бауыржанұлы – 138 ұпай;

Қуаныш Гүлнұр Ердіханқызы – 138 ұпай;

Бекжігіт Сымбат Амангелдіқызы – 138 ұпай;

Күлжанова Салтанат Асқарқызы – 138 ұпай.